AF222a: 151v

el‑cevāb cümle Bekrüñ olur mesʾele Zeyd fevt olub liʾümm qarındaşı // ʿAmrı ve anası Hindi terk eylese qısmet ne vechle‑dür el‑cevāb s̱üls̱ ʿAmra // s̱üls̱ān Hinde mesʾele Zeyd fevt olub anası Hindi ve zevcesi Zeynebi ve liʾeb qız // qız qarındaşı Ḥadīceʾi [!] ve ḫālası Fāṭimaʾı terk eylese qısmet ne vechle‑dür el‑cevāb // ʿavlle on üç sehmüñ üci Zeynebe dört sehmi Hinde altısı Ḥadīceye [!] deger // mesʾele Zeyd fevt olub anası Hindi ve qız qarındaşı Zeynebi ve ʿammı olan Beşiri // terk eylese qısmet‑i tereke ne vechledür el‑cevāb s̱üls̱ Hinde nıṣf Zeynebe // bāqī ʿammıya mesʾele Zeyd fevt olub anası Hindi ve liʾebeveyn hemşīresi Zeynebi ve liʾeb // hemşīresi Ḥadīceʾi [!] ve liʾümm qarındaşı ʿAmrı ve ʿammı Ḫālidi terk eylese qısmet ne vechledür // el‑cevāb süds Hinde nıṣf Zeynebe süds Ḥadīceye [!] deger ʿaṣabīye nesne qalmaz // mesʾele Hind fevt olub oġlı Zeydi ve qızı Zeynebi ve ʿAmrı ʿammı terk eylese qısmet // ne vechle‑dür el‑cevāb iki Zeyde bir Zeynebe bu ṣūretde Zeyd ile Zeyneb fevt olıcaq // cümle terekeleri ʿAmre intiqāl ėder‑mi el‑cevāb ėder mesʾele Hind fevt olub liʾebeveyn // qız qarındaşı Zeynebi ve liʾümm Zeydi terk eylese şerʿen qısmet ne vechle‑dür el‑cevāb // rübʿ Zeyde bāqī Zeynebe mesʾele Zeyd fevt olub ḥürretü l‑aṣl olan anası Hindi // terk eylese ve liʾebeveyn dört nefer qarındaşlarını ve liʾebeveyn er qarındaşı ʿAmrı ve dedesi Bekr // muʿtaqınuñ mevlāsı Beşirüñ iki oġullarını terk eylese şerʿen qısmet ne vechle‑dür el‑cevāb // süds Hinde bāqī qarındaşlarına li‑ẕ‑ẕikri mis̱l‑i ḥaẓẓü l‑üns̱āyīn mesʾele Hind fevt olub // anasınuñ anası Zeyneble ṭayısı ʿAmrı terk eylese şerʿen qısmet‑i terek[e] ne vechledür // el‑cevāb cümle Zeynebüñdür mesʾele Hind fevt olub ʿammı oġlı Zeydi ve ḫālası